إطلاق مبادرة "دواؤك لحد باب بيتك" لتوصيل الأدوية مجانًا

الدكتور حسام عبد الغفار، المتحدث الرسمي لوزارة الصحة والسكان، قال إن الوزارة بدأت في تنفيذ المرحلة الأولى من المبادرة في 3 عيادات، وبعدها تم توسيعها في 3 عيادات تانية، عشان تكون الخدمة موجودة في:

عيادة النصر بحلوان، عيادة مدينة نصر بالقاهرة، عيادة علي بن أبي طالب في طنطا بمحافظة الغربية، العيادة المركزية بأسيوط، عيادة المندرة بالإسكندرية، عيادة ناصر بالقاهرة.

والوزارة هتكمل توسع في الخدمة عشان توصل لأكبر عدد من المستفيدين في كل أنحاء مصر.

وعشان تقدر تستفيد من مبادرة "دواؤك لحد باب بيتك" كل اللي عليك إنك تقدم طلب توصيل على موقع الوزارة، ببطاقة الرقم القومي وبطاقة التأمين الصحي. 

والدكتور حسام عبد الغفار، أكد إن الهيئة العامة للتأمين الصحي مسؤولة عن ضمان سلامة سلاسل الإمداد، فنقل الأدوية بيتم عن طريق شركات شحن معتمدة ملتزمة بالمعايير والاشتراطات الخاصة بنقل الأدوية.