"ارسم الزعيم".. مسابقة من وزارة الشباب لتقديم عمل فني عن عادل إمام

1- العمل الفني يكون بمقاس حد أدنى 50*50، والحد الأقصى: 150 سم * 200 سم.

2- المشترك يقدر يستخدم الخامات اللي يختارها سواء رسم أو نحت أو أشغال فنية، أو رسم رقمي، أو رسم تقليدي ملون أو غير ملون.

3- لو العمل تعبير مجسم أبعاده ما تزيدش عن 150 سم مربع وما يقلش عن 40 سم مربع.

4- العمل يكون إبداع أصيل من إنتاج المشترك، ومتمش عرضه في المسابقات أو مواقع التواصل.

5-  إرسال ٣ صور لمراحل العمل من ضمنهم الصورة النهائية للعمل "الصور تكون بجودة عالية وبشكل واضح للعمل الفني فقط، مع ذكر مقاس وأبعاد العمل والخامة والتقنية.

المسابقة متاح التقديم فيها لحد يوم 30 يوليو، وده على موقع "Egy Talents"، من هنا:

https://egytalents.com/el-zaeem-adel-emam/

وهيتم تنظيم معرض فني خاص للزعيم هيضم أفضل الأعمال الفنية اللي شاركت في المسابقة.

الجدير بالذكر إن لجنة التحكيم اللي هتقيم الأعمال هما: الدكتور أحمد موسى، والدكتور مراد درويش، والدكتور أحمد صابر، وده عن طريق اختيار أفضل الأعمال وتقيمها وده هيمثل 70% من النتيجة النهائية، وبعدها هيكون في تصويت للجمهور وده هيمثل 30% من النتيجة.