المهرجان الصيفي لدار الأوبرا المصرية في القاهرة هيبدأ 18 يوليو
إطلاق فعاليات المهرجان الصيفي
دار الأوبرا المصرية برئاسة الدكتور علاء عبد السلام أعلنت إطلاق فعاليات المهرجان الصيفي، اللي هيستمر خلال شهر يوليو وأغسطس على المسرح المكشوف في القاهرة، البرنامج بيضم مجموعة عروض بتجمع أشكال موسيقية وغنائية تراثية ومعاصرة، وقال إن صيف الأوبرا 2025 ليه مذاق جديد، وبيمثل واحد من مسارات الثقافة المصرية الهادفة للارتقاء بالوعي الفني للمجتمع.
العروض هتبدأ يوم 18 يوليو في المسرح المكشوف وأول حفلة هي الصوفية والحداثة اللي بتجمع الموسيقار فتحي سلامة والمنشد الشيخ محمود التهامي وسعر التذكرة 250 جنيه.
ويوم 19 يوليو فيه حفلة حنان ماضي وفرقتها وسعر التذكرة 250 جنيه، وفرقة فؤاد ومنيب 20 يوليو وسعر التذكرة 500 جنيه، وفرقة أيامنا الحلوة يوم 22 يوليو وسعر التذكرة 350 جنيه. وعروض المسرح المكشوف هتستمر لشهر أغسطس.
وتقدروا تحجزوا التذاكر من خلال تذكرتي.
- الموضوع اللي فات لأول مرة في الجمباز المصري منحة للاعبة جودي جوهر من جامعة إلينوي
