"دوسي Dosy" أبليكيشن توصيل جديد للستات وتعليمهم سواقة السكوتر

التطبيق بيوفر كورسات تدريب عملية على القيادة، وكمان بيتيح للبنات يشتروا أو يبيعوا السكوتر الخاص بيهم من خلاله، "دوسيDosy" كمان بيوفر فرصة للمتدربات للانضمام للفريق والحصول على نسبة من كل باكيدچ تدريب.

ومن الخدمات الجديدة اللي أضافها التطبيق، خدمة التوصيل البناتي، واللي من خلالها البنات يقدروا يختاروا باكيدچ أسبوعية أو شهرية، عشان يجيلهم سكوتر بتسوقه بنت ويوصلهم لجامعتهم أو شغلهم أو مشاويرهم.

منة فاروق قالت إن فكرة التطبيق بدأت لما هي وأختها قرروا يتعلموا سواقة السكوتر لكن ملقوش مكان مخصص للبنات أو مواعيد مناسبة، فقرروا يخلقوا المساحة دي بنفسهم.

وبالفعل بدأوا في تدريب البنات في القاهرة والإسكندرية، وبيخططوا حاليًا لإضافة مدربة دفاع عن النفس علشان البنات يكونوا مستعدين لأي موقف أثناء القيادة.

أبليكيشن "Dosy دوسي" بيهدف لتشجيع البنات على الحرية والاستقلال، وتحقيق التوازن بين الأمان والثقة بالنفس، وكمان المساهمة في تقليل الزحمة والتلوث في نفس الوقت.

الأبليكيشن موجود على بلاي ستور والأبل ستور باسم: Dosy

https://play.google.com/store/apps/details...