"طموحي قاتل" هي لعبة جديدة لهادية غالب بالتعاون مع "قول أميم"

هادية غالب اتعاونت مع "قول أميم" عشان تقدم أول لعبة كروت ليها باسم "طموحي قاتل"، اللعبة هي صراع بين الطموح واللعب والاجتهاد والدراما، وهي مستوحاة من حياة هادية ورحلتها كفريلانسر عربية قدرت تحقق أحلامها.

 و"هادية" قالت إنها مؤمنة بالطموح، واللعبة بتحكي قصتها، وقصة كل ست.

سارة أبو الخير، مؤسسة شركة "قول أميم"، قالت إن اللعبة دي احتفال باللي بيحصل لما الستات بيقرروا يكتبوا حكايتهم بإيدهم بصوت عالي من غير اعتذارات وبكمية كبيرة من الذكاء. 

واللعبة هي عبارة عن مجموعة من الكروت بتمثل الأحلام والأهداف والمحطات لازم اللي بيلعب يجمعها وفي نفس الوقت يدافع عن نفسه من كروت "تلاكيك" عن طريق كروت "حدود" اللي بتحميه، وأول لاعب بيجمع 10 كروت من كروت "طموحي" هو اللي بيكسب.

ممكن تشتريها من موقع وصفحة "قول أميم".