عرض فيلم "الحياة بعد سهام" بداية من 1 أبريل بسينما زاوية
ومناقشة مع مخرجه يوم 6 أبريل
سينما زاوية هتعرض الفيلم الوثائقي "الحياة بعد سهام" بداية من يوم 1 أبريل بترجمة عربية وفرنسية، ويوم الجمعة 3 أبريل هيكون في مناقشة مع مخرج الفيلم نمير عبد المسيح بيديرها ماريان خوري.
الفيلم كمان هيتعرض بشكل مجاني في المعهد الفرنسي المصري بالقاهرة والإسكندرية، وده يوم 5 أبريل، وهيكون في مناقشة مع المخرج. "الحياة بعد سهام" اتعرض في أكتر من 50 مهرجان، وكسب 15 جائزة عربية وعالمية، وهو بيحكي عن رحلة نمير في مواجهة الحزن بعد فقدان والدته، وتوثيقه على مدار أكتر من عشر سنين تطوّره كفنان، وصراعه لتقبل الفقد، ومحاولاته لتحويل ألمه لعمل سينمائى بيحمل ذكرى والدته وأسرته. الفيلم من تأليف وإخراج نمير عبد المسيح، ويشترك فى إنتاجه مع شركة Ambient Light للمخرج والمنتج المصري علي العربى. والفيلم ده هو أول عمل طويل للمخرج، بعد إخراجه فيلم "العذراء والأقباط وأنا" سنة 2011. وخلال الفترة الجاية، الفيلم هيشارك في عدد من المهرجانات منها مهرجان مالمو وإسطنبول وترافرسيس بفرنسا ومهرجان هوليوود للفيلم العربي.
- الموضوع اللي فات "39 قتال" فيلم جديد بطولة مصطفى شعبان
- الموضوع اللي جاي عروض ثقافية وفنية بمترو الخط الثالث طول شهر أبريل
الأكثر متابعة هذا الشهر
-
-
-
-
18 مارس 2026
