فتح باب استقبال الأفلام القصيرة بمهرجان بردية السينمائى حتى 15 فبراير

التقديم هيبدأ من 15 نوفمبر 2025 ولحد 15 فبراير 2026، ومتاح من خلال لينك النموذج الرسمي على صفحة المهرجان على فيسبوك. وفعاليات الدورة نفسها هتنطلق من 5 لحد 11 مايو 2026.

نموذج التقديم

المهرجان السنة دي واخد طابع جديد ومختلف، والمسابقات متقسمة لتلات فئات:

- سينما الومضة: أفلام مدتها ما تزيدش عن 5 دقايق.

-المسابقة العامة: مدتها القصوى 30 دقيقة، وبتضم جوائز زي أحسن فيلم، أحسن سيناريو، أحسن إخراج، وأحسن تمثيل.

-  مسابقة أفلام الذكاء الاصطناعي: لأول مرة في المهرجان

ومن أهم الشروط إن الفيلم ما يكونش اتعرض قبل كده على أي منصة سوشيال ميديا، وكل التفاصيل موجودة في لينك التقديم.

جدير بالذكر إن الدورة اللي فاتت اتعملت في سبتمبر 2025 على مسرح الهناجر بدار الأوبرا، وكانت مخصصة لتكريم الكاتب الكبير وحيد حامد، وحضر الافتتاح المخرج مروان حامد والنجمة إلهام شاهين، واتكرم فيها عدد كبير من الفنانين.

وخلال الفعاليات، تم إصدار كتاب خاص بالدورة بعنوان "وحيد حامد.. أوان الورد" من تقديم الناقد طارق الشناوي.

 لجنة تحكيم الدورة التانية كانت برئاسة مدير التصوير الكبير سعيد شيمي، وضمت في عضويتها إبراهيم عبد الفتاح، محسن صبري، فايق جرادة، وحسن عيسى.

أما أول دورة من المهرجان فكانت باسم المخرج عاطف الطيب، وضيفتها النجمة سوسن بدر، واتكرم فيها رموز كتير من السينما المصرية والعربية زي سلمى الشماع، عمر عبد العزيز، هاني لاشين، ناصر عبد الرحمن، وسعيد شيمي.

الصورة من PG Advance Diploma Progamme in Professional Filmmaking