"مرسال" أطلقت أول تجربة تسوق خيري في مصر

عنوان متجر مرسال في  ٣٦ شارع أبو بكر الصديق – ميدان سفير، بيستقبل تبرعات متنوعة زي الملابس، الأحذية، الحقائب، الأجهزة الكهربائية، الهواتف المحمولة، ومستحضرات التجميل والعطور، بشرط تكون بحالة ممتازة.

التبرعات دي بيتم فرزها بعناية قبل عرضها للبيع في المتجر أو عبر المنصة الإلكترونية، وبتخصص كل العائد بالكامل لخدمات الرعاية الصحية ودعم العمليات والعلاج والأدوية للحالات اللي بتتابعها المؤسسة.

"مرسال شوب" مش بس مشروع خيري، لكنه خطوة نحو الاستدامة في العمل الإنساني، وفعلاً ساهم من أول انطلاقه في تمويل عمليات جراحية عاجلة وتوفير أدوية مرتفعة الثمن لأسر غير قادرة.

 كمان المؤسسة بتخطط لتوسيع الفكرة بإنشاء منصة إلكترونية متكاملة تتيح التسوق والتبرع أونلاين، علشان توصل المساعدة لأكبر عدد ممكن داخل مصر وخارجها.