مصر هتشارك في كأس العالم لأبطال الشوارع ٢٠٢٦ في المكسيك

10 أطفال من مصر بيستعدوا  للمشاركة في كأس العالم لأبطال الشوارع 2026 "أطفال بلا مأوى" في المكسيك، اللي هتقام في الفترة من يوم 5 لـ 15 مايو، وفي البطولة مش بيمثلوا بس مهاراتهم الكروية، لكن قصصهم وأحلامهم. 

بطولة كأس العالم لأبطال الشوارع هي بطولة بتقام من سنين، وآخر نسخة ليها كانت الـ 20 وكانت موجودة في أوسلو بالنرويج، بدأت يوم 23 أغسطس لحد 30 أغسطس 2025، وجدير بالذكر إن منتخب مصر فاز على البرتغال بنتيجة 4:3 في النهائي وقتها.

الفريق اللي مسافر من مصر هو منتخب تم تكوينه من خلال "نفس" وهي منظمة غير هادفة للربح هدفها تأهيل الشباب والأطفال المعرضين للخطر عشان يقدروا يدخلوا في المجتمع من تاني، اتأسست في 2013 ومن خلال التواصل مع الجمعيات ومراكز الشباب قدروا يكونوا أول فريق ومنتخب مصر شاركت بيه في كأس العالم لأطفال الشوارع في 2014.