الأربعاء أكتوبر 1, 2025

مهرجان وسط البلد للفنون المعاصرة - دي كاف من1 لـ 26 أكتوبر

راجع في نسخته الـ١٣

Elfasla Team

من 1 لـ 26 أكتوبر، مهرجان "دي-كاف" راجع في نسخته الـ١٣، واللي بيعتبر أكبر مهرجان دولي للفنون المعاصرة في مصر وبيحصل في منطقة وسط البلد تحديدًا.

المهرجان بدأ من ٢٠١٢ مع شركة Orient Productions، ومن وقتها وهو بيجمع فنانين ومبدعين من كل العالم عشان يقدموا فنون معاصرة بأشكال مختلفة ويتكلموا عنها.

برنامج "دي-كاف" السنة دي هيكون شامل زي كل مرة: عروض مسرح ورقص، موسيقى، أفلام، فنون بصرية وميديا جديدة، عروض شارع، وورش وحوارات.

اللي بيميز المهرجان إنه دايمًا بيكسر الشكل التقليدي للفن والعلاقة بين الفنان والجمهور، وبيفتح مساحات جديدة للتفكير والتجربة. وكمان هدفه يسلط الضوء على وسط البلد كمركز اجتماعي وثقافي مهم.

وبالشراكة مع شركة الإسماعيلية للاستثمار العقاري، المهرجان بيقدر يستغل مش بس المسارح، لكن كمان مباني وأماكن تاريخية في وسط البلد ويقدم فيها عروض، زي سينما راديو، القنصلية الفرنسية القديمة، الفينواز، ومحلات ممر كوداك.


لو عاوز تعرف تفاصيل اكتر عن البرنامج الخاص بالمهرجان تابع صفحتهم من هنا وللحجز تقدر تدخل على TicketsMarch.

الصورة المستخدمة من عروض دي كاف 2023

Photo by: Mostafa Abdel Aty

×