نسخة خاصة من معرض مطبوعات القاهرة عن "الست" من 22 لـ 24 يناير

المعرض هيكون موجود بداية من يوم 22 وهتكون ليلة افتتاحية vip ومتاح دخوله بدعوات بس، وهيكون متاح للجمهور العام يوم 23 و24 من الساعة 12 الضهر لـ 10 بليل.

معرض "الست" هو مبادرة للفنانين والمصممين لإعادة تخيل "أم كلثوم" من خلال رؤيتهم الخاصة، وهيجسدوا من خلالها إزاي حضورها مازال بيلهم كل المبدعين.

 وهيضم المعرض مجموعة من أعمال 80 فنان من مصر وخارجها عن أم كلثوم، وهيعرض كمان مجموعة من الصور الرسمية لـ كواليس التصوير في "الست" أخدها سيناريست الفيلم أحمد مراد ومصور الفوتوغرافيا الخاص بالفيلم خالد ذهني.

والمعرض هيكون بشكل مستقل ومش هيضم أي مواد ترويجية رسمية لفيلم "الست" وهيسلط الضوء على كيفية استمرار الفنانين المعاصرين في التفاعل الدائم مع أم كلثوم.