الهيئة العامة لمحو الأمية: مصر فيها 17 مليون واحد مابيعرفش يقرا ويكتب

الهيئة العامة لمحو الأمية وتعليم الكبار بمصر، قالت إن البلد فيها حوالي 17 مليون أمي، وإننا لازم نقضي على أمية 3 مليون شخص في ال3 سنين الجايين، بمعدل مليون واحد كل سنة. أحمد حسن، القائم بأعمال رئيس الهيئة، قال إن الأميين في مصر 10 مليون بنت و 7 مليون ولد، كمان وضح إن الهيئة بتاعته كان عندها مشاكل وعوائق أخرت شغلها، زي عدم تدريب المعلمين وافتتاح الفصول والعوائق المادية.

 

حاليًا في خطة موضوعة علشان محو الأمية وهيتم إرسالها لوزير التربية والتعليم، كمان في أكتر من جهة بيتعاونوا مع بعض لتقليل نسب الأمية في مصر تدريجيا، لغاية ما تختفي خالص، زي وزارات التعليم العالي والشباب والرياضة والتنمية المحلية.. إلخ.