تجربة فاشلة في حصة علوم اتسببت في اختناق 5 طلاب في الواحات

تجربة في حصة العلوم في مدرسة إعدادي بالواحات، اتسببت في اختناق 5 طلاب واتحولوا للمستشفى علشان يتلقوا علاج. نقدر نقول إن التجربة فشلت! اللواء عبد الرحمن شحاتة، مدير أمن الوادي الجديد، جاله إخطار من المستشفى بوصول 5 طلاب في حالة إغماء، نتيجة اختناق حصلهم في معمل العلوم بمدرسة السلام للتعليم الأساسي بالخارجة.

اتضح إن مدرس العلوم كان بيحاول يعمل تجربة للطلبة، لكن فشلت التجربة وحصل انفجار بسيط وودخان كثيف جاب للطلبة اختناق. المدرس تم استدعاءه علشان يحققوا معاه، واتحفظوا على المواد الكيميائية اللي كانت في المعمل. كمان إدارة الخارجة التعليمية فتحت تحقيق في الموضوع.