فيديو لست أثيوبية اترمت من الدور السابع في حدايق المعادي

انتشر فيديو لشخص بيرمي واحدة ست من البلكونة في شارع إبراهيم عواد بمنطقة حدايق المعادي. حسب التعليقات على الفيديو، الضحية اتفاجئت بابن عم جوزها داخل يسرق شقتها، ولما صرخت وحاولت تمنعه رماها من الشباك. الفيديو بيوضح إن الست فضلت متعلقة لفترة، قبل ما إيديها تتزحلق وتقع من الدور السابع.

مأمور قسم شرطة دار السلام، جاله بلاغ من أهالي الشارع، ولما راحوا وحققوا، اكتشفوا إن الضحية سيدة أثيوبية عندها 29 سنة، وحصلت خناقة بينها وبين شخص تاني في الشقة، أثيوبي برضه، فقام رماها من الدور السابع. المتهم اتقبض عليه وأخد 4 أيام على ذمة التحقيق.