Copied
فرنسا هتقفل مسجد لمدة 6 شهور إمامه بيحرض على القتل
الحرب على الإسلام
13 ديسمبر 2017
السلطات الفرنسية أصدرت قرار بإغلاق مسجد في مدينة مارسيليا، جنوب فرنسا، لمدة 6 شهور بداية من بكرة، السبب في القرار هي الخطب المتطرفة اللي إمام المسجد بيلقيها على المصلين. رئيس الشرطة لزق ورقة على الباب الرئيسي للمسجد، مكتوب فيها إن دار العبادة اللي بيديرها الإمام الهادي دودي بتقول أفكار متطرفة.
ده تاني مسجد يتم إغلاقه من نوفمبر اللي فات بعد نهاية حالة الطوارئ، غير المساجد اللي قفلت من نفسها. الشرطة قالت إن رغم إن المسجد وإمامه بيدينوا العمليات الإرهابية، لكن في نفس الوقت بيشرعوا قتل الزناة والمرتدين. كمان في أشخاص من اللي بيواظبوا على الدروس في المسجد، اعترفوا بانضمامهم لتنظيم القاعدة.
- الموضوع اللي فات حكاية الفريق المصري اللي هيعبر المحيط الأطلنطي تجديف لدعم اللاجئين
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
18 سبتمبر 2026 -
-
14 سبتمبر 2026 -
