Copied
أول بنت تحكّم ماتشات رجالة في الدوري الفلسطيني
عاوزة تشارك في بطولات دولية
28 مارس 2018
الفلسطينية ياسمين نيروخ قدرت تكون أول حكمة ست، تحكم ماتشات رجالة دوري كرة القدم في فلسطين في الضفة الغربية. الأمين العام للاتحاد الفلسطيني لكرة القدم في المنطقة الجنوبية، أحمد محاسن، قال إن ياسمين من بين عدد قليل من الفلسطينيات اللي بيشتغلوا في المجال ده، لكن هي الوحيدة اللي وصلت لتحكيم مباريات الرجال.
"نيروخ" عندها 29 سنة وقالت إنها بتحب الكورة من صغرها وبتنبهر بدور الحكام في اللعبة، فقررت تبقى حكم. وعن الصعوبات اللي واجهتها قالت لـ سكاي نيوز عربية، "في البداية كان من الصعب أن تكون هناك أنثى تعمل على تحكيم المباريات في الملعب، خاصة في الخليل، لكن بالتدريج بدأ الناس يعتادون وجودي ويتقبلون عملي"
بداية ياسمين في التحكيم كانت سنة 2010، لكن بدأت من السنة اللي فاتت بس تحكم ماتشات رجالة، حاليًا بتسعى إنها تحكم في ماتشات دولية.
- الموضوع اللي فات حوار مع أم مصرية ابنها "المعاق" كان السبب في ترشحها لجائزة نوبل
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
-
-
-
18 مارس 2026
