Copied
نقابة المهن الموسيقية هتمنع حفلات شيرين لمدة شهرين
اشربي من نيلها بقى
11 ديسمبر 2017
أزمة شيرين مع نقابة المهن الموسيقية خلصت، بس خلصت بنهاية مش سعيدة! شيرين كان ظهر ليها فيديو في حفلة من حفلاتها، وهي بتقول لواحدة من الجمهور، طلبت منها تغني "ماشربتش من نيلها"، فشيرين ردت: "يجيلك بلهارسيا.. اشربي إيفيان". الهزار ده قلب الدنيا عليها واضطرت تعمل بيان اعتذار، وامتثلت لتحقيق قانوني في النقابة بتاعتها.
رغم إن هاني شاكر، نقيب الموسيقيين، سبق وقال إن الموضوع خالص ولازم نقفله، لكن قرار النقابة صدر بمنع شيرين من الغنا داخل مصر لمدة شهرين، بدأوا من فترة وينتهوا يوم 14 يناير. النقابة مش هتدي لشيرين تصاريح حفلات جوّه مصر طول الفترة دي. النقابة قالت في قرارها إن اللي حصل من شيرين أساء لجموع الشعب المصري وللجمعية العمومية لنقابة المهن الموسيقية وإن دي مش أول واقعة ليها.
- الموضوع اللي فات حملة في لبنان ضد اغتصاب القرايب
- الموضوع اللي جاي صلي واقرا قرآن.. روشتات العلاج النفسي في مصر
الأكثر متابعة هذا الشهر
-
12 يونيو 2026 -
-
-
23 يونيو 2026
