Spotify أطلق الكتب الصوتية لأول مرة في مصر

أطلق Spotify الكتب الصوتية في مصر للمرة الأولى، عشان يكون عليه أغاني وموسيقى وبودكاست وكمان كتب… وبداية من النهارده ممكن أي حد يشترك في الباقة الخاصة بالكتب الصوتية وهي بتوفر 15 ساعة من الاستماع للكتب كل شهر، مقابل 79 جنيه مصري. وممكن تشتري باقة إضافية مدتها 10 ساعات مقابل 104 جنيه. وكمان هيكون ممكن تشتري الكتاب الصوتي ويكون متوفر عندك طول الوقت.

Spotify دلوقتي فيه حوالي 350 ألف عنوان ضمن مكتبة Spotify العالمية للكتب الصوتية باللغة الإنجليزية.

بالنسبة للمؤلفين يقدروا يرفعوا كتبهم باللغة العربية من خلال منصة Spotify for Authors،وده هيساهم في زيادة المحتوى الموجود باللغة العربية واللي بيلبي احتياجات المستمعين العرب وفي مصر.