السعودية هترفع الحظر عن المكالمات الأونلاين

وزير الاتصالات وتقنية المعلومات، السعودي عبدلله السواحة، قرر يرفع الحجب عن تطبيقات المكالمات الصوتية خلال أسبوع، بالتعاون مع شركاء في قطاع الاتصالات، حسب تويتة كتبها على حسابه الرسمي على تويتر. يعني كل الأبليكيشنز اللي بتعمل منها مكالمات صوتية، زي واتساب وفايبر ولاين، وحتى ماسينجر، هترجع تشتغل وتعمل من عليها مكالمات صوتية تاني. 

السواحة قال إن الوزارة هتشتغل مع شركات الاتصالات علشان تتأكد إن التطبيقات دي مستوفية الشروط، وبعدها يرفعوا الحجب عادي. ده خبر مهم خصوصًا للمغتربين اللي كانوا بيستخدموا التطبيقات دي وهما في السعودية، علشان يتواصلوا مع أهلهم.