أبليكيشن "مصري بالخارج" أول منصة للخدمات القنصلية للمصريين بالخارج

وزارة الخارجية بدأت التشغيل التجريبي لأبليكيشن "مصري بالخارج" في 17 بعثة وقنصلية مصرية، عشان يكون أول منصة للخدمات القنصلية للمصريين بالخارج.

"مصري بالخارج" بيسمح للمواطنين إجراء المعاملات القنصلية ومتابعتها لحد استكمال الإجراءات المرتبطة بيها، وده لتسهيل وتوفير الوقت والجهد وتحسين جودة الخدمات اللي بتقدمها القنصلية، وخلال الفترة الجاية هيتم توفير خدمات أكتر على الأبليكيشن، ومساعد ذكي بيتعمد على الـAI للرد على الاستفسارات وتقديم الارشادات المتعلقة بالخدمات القنصلية.

والتشغيل التجريبي حاليًا بيشمل بعثة براغ، والقنصلية المصرية في هيوستن، والرباط، والقنصلية المصرية في هامبورج، والمنامة، وبرلين، والدوحة، وبريتوريا، والقنصلية المصرية في لوس أنجلوس، والقنصلية المصرية في فرانكفورت، وروما، وأبوظبي، والقنصلية المصرية في شيكاغو، والقنصلية المصرية في مارسيليا، وبروكسل، والقنصلية المصرية في سيدني، والقنصلية المصرية في ملبورن.

ودلوقتي، الأبليكيشن متاح للتحميل عن طريق «App Store» و«Google Play»، واسمه "مصري بالخارج"