"أهل مصر" أطلقت حملة توعية ضد تريند على تيك توك بسبب حرق للمشاركين فيه

وأكدت المستشفى في بيانها إن الحروق مش وسيلة للترفيه أو التحدي، والمشاركة في النوع ده من التريندات بيسبب أذى وتشوهات صعب علاجها، لأن نسبة كبيرة من حالات الحروق اللي بتستقبلها المستشفى كل يوم بيكون سببها التعرض للمياه أو السوائل الساخنة. 

مؤسسة أهل مصر قالت إن حالات الحروق اللي بتسببها السوائل الساخنة هي من أخطر أنواع الحروق، وممكن توصل لمضاعفات كبيرة ممكن تنتهي بالوفاة.

الحروق الحرارية حتى وإن بدأت بسيطة فممكن تسبب تلف عميق في الجلد والأنسجة، والتهابات حادة مكان الحرق، وكمان تنقل العدوى لمجرى الدم، وتسبب تسمم دموي، وهو من أخطر أسباب الوفاة بين مرضى الحروق.