"الإحصاء": حجوزات الفنادق تتصدر الخدمات الإلكترونية المستخدمة في مصر

الجهاز المركزي للتعبئة العامة والإحصاء رصد في تقرير تطور نسبة الأسر اللي بتحصل على خدمات من خلال التجارة الإلكترونية. وحسب التقرير، فحجوزات الفنادق جات في صدارة الخدمات دي بنسبة 48.3%، بعدها الخدمات الطبية بنسبة 40.5%، وخدمات الصيانة بنسبة 19%، والخدمات الاجتماعية بنسبة 15.1%، وأخيرا 1.3% للخدمات المالية.

وأجرى جهاز الإحصاء، مسح ميداني هو الأول من نوعه على مستوى الأسر، لعدد 16 ألف و523 أسرة بتمثل كل محافظات الجمهورية، وكان هدف المسح ده هو قياس حجم التجارة الإليكترونية فى مصر وتحديد أكثر الأنشطة الاقتصادية اللي بتستخدم التجارة الإليكترونية، وكمان معرفة حجم التجارة الالكترونية للسلع والخدمات أونلاين ووسائل الدفع المستخدمة ومعرفة المشكلات اللي بتواجه القطاع ده ومحاولة التغلب عليها.

المسح وضح إن 81.3% من الأسر المصرية بتستخدم الإنترنت، والموبايلات من أهم الأجهزة اللي بتستخدمها الأسر للدخول على الإنترنت بواقع 99.4% ومقابل 0.8% من الأسر بتستخدم هاتف شخص آخر من خارج الأسرة، وبعدها أجهزة الكمبيوتر والاب توب من المنزل وبلغت نسبة استخدامه 6.6%، و 2.4% فقط من الأسر تستخدم أجهزة في العمل.