"الإحصاء": مصر البلد الثالث إفريقيًا من حيث عدد السكان

وبحسب تقديرات منظمة World Data، لو ضفنا المصريين اللي عايشين بره والوافدين، يبقى العدد 119 مليون نسمة، وده في يوليو 2025.

ومن حيث المؤشرات الديموغرافية، فبحسب البيانات مصر تتبع الاتجاه العام للقارة الأفريقية لأن أغلب سكانها في الفئة العمرية من 15 لـ 64 سنة، وهي نفس الفئة اللي بتشكل القوة العاملة الأساسية في معظم دول إفريقيا.

أما عن القارة الإفريقية، فعدد سكانها وصل لحوالي 1.549 مليار نسمة، يعني تقريبًا 18.8% من سكان العالم اللي هما عددهم 8.231 مليار نسمة، والمتوقع إن الزيادة السكانية اللي هتحصل لحد 2050 ممكن توصل لـ 9.6 مليار نسمة، وأغلبها هيكون من إفريقيا.

أما عن عدد السكان في البلاد الإفريقية، فكان عدد السكان كالتالي:

نيجيريا متصدرة غرب إفريقيا بـ 237.5 مليون نسمة، بعدها إثيوبيا في شرق إفريقيا بـ 135.4 مليون، بعدها مصر متصدرة شمال إفريقيا بـ 107.8 مليون، وفي المركز الرابع الكونغو الديمقراطية في وسط إفريقيا بـ 112.8 مليون، وفي المركز الخامس جنوب إفريقيا متصدرة إقليمها بـ 64.7 مليون.

والمؤشرات الديموغرافية التانية لسنة 2024، فبتقول إن معدل الزيادة الطبيعية في إفريقيا 2.3%، وأعلى معدلات الزيادة كانت في الصومال والنيجر والكونغو الديمقراطية بنسبة 3.3%. وبتسوانا أقل معدل بواقع 1.8%، 

والعمر المتوقع في القارة وصل لـ 64 سنة بواقع 62 للرجالة و66 للسيدات، مقارنة بالعمر العالمي وهو 73 سنة.

كمان قارة إفريقيا أكثر قارة فتيّة في العالم، وده لأن الفئة العمرية بين 15 و64 سنة بتمثل حوالي 39% من السكان، وهي نسبة أعلى بكتير من آسيا وأوروبا. ففي جمهورية إفريقيا الوسطى ومالي وصلوا لـ 49%، والسودان في شمال إفريقيا سجلت 41%، أما الصومال فوصلت لـ 47%.

والحكومة المصرية بالتعاون مع مؤسسات الإحصاء بتتابع التغيرات السكانية لضمان تحقيق التوازن بين النمو السكاني السريع والموارد المتاحة، وده باستخدام البيانات دي في التخطيط العمراني، وتوزيع الخدمات الصحية، وبرامج الدعم الاجتماعي خصوصًا مع التوقعات بزيادة السكان خلال السنين اللي جاية.

جدير بالذكر إن الإحصائيات دي أعلنها الجهاز بمناسبة الاحتفال بيوم الإحصاء الإفريقي.

الصورة لـ Tony Roddam