تطبيق المرحلة الأولى من منظومة التتبع الدوائي يوم 1 فبراير

منظومة التتبع الدوائي ببساطة دورها تتابع كل عبوة دواء بـ QR Code، من لحظة التصنيع مرورًا بالمخازن والصيدليات لحد وصول العبوة للمريض، وده لمواجهة المخالفات، وضمان توافر الأدوية بشكل منظم وآمن.

وفي حالة اكتشاف إن في دواء ناقص أو اختفى أو حصل فيه عملية غش هيئة الدواء بتعرف تحدد مكانه عن طريق التتبع، وبتقوم بعمل إجراءاتها.

وده بهدف ضبط سوق الدواء، ومكافحة التهريب والغش، وتحقيق الشفافية في سلاسل الإمداد الدوائي، ومنع دخول أدوية مجهولة المصدر للسوق.

"عوف" قال إن المرحلة الأولى من التطبيق الرسمي لمنظومة التتبع الدوائي هتبدأ يوم 1 فبراير الجاي، وهتشمل الأدوية المستوردة بس، وبداية من 1 أغسطس هتتوسع المنظومة وهتشمل الأدوية المحلية.