عرض ١٠ أفلام من مهرجان الجونة السينمائي في سينما زاوية

سينما زاوية أعلنت إنها هتعرض 10 أفلام من أفلام الدورة التامنة لمهرجان الجونة السينمائي، ضمن مبادرة "الجونة × زاوية"، والعروض هتكون في الفترة من 19 لـ 25 أكتوبر الجاري.

وجدول عروض الأفلام هيكون كالآتي:

يوم 19 أكتوبر هيتعرض فيلم أب، أم، أخت، أخ "Father Mother Sister Brother" الساعة 7 مساءً.

يوم 20 أكتوبر هيتعرض فيلم قيمة عاطفية "Sound of Falling" الساعة 7 مساءً.

يوم 21 أكتوبر هيتعرض فيلم البعث "Resurrection" الساعة 7 مساءً.

يوم 22 أكتوبر هيتعرض فيلم شاعر "A Poet" الساعة 7 مساءً.

يوم 23 أكتوبر هيتعرض فيلم حادث بسيط "It Was Just an Accident" الساعة 7مساءً، وفيلم قمر أزرق " Blue Moon " الساعة 9 ونص مساءً.

يوم 24 أكتوبر هيتعرض فيلم ضع روحك على يدك وسِر "Put Your Soul On Your Hand And Walk" الساعة 7 مساءً، وفيلم قيمة عاطفية "Sentimental Value" الساعة 9 ونص مساءً.

يوم 25 أكتوبر فيلم كيف تبني مكتبة " How to Build a Library" الساعة 7 مساءً، و فيلم لو المحظوظ "Lucky Lu" الساعة 9 ونص مساءً،
حجز التذاكر بدأ من يوم 14 أكتوبر، وتقدر تحجز تذكرتك من شباك تذاكر سينما زاوية في وسط البلد أو من خلال موقع السينما zawyacinema.com.

زاوية بدأت سنة 2014 كمكان مختلف لعشاق السينما في القاهرة، ومن وقتها وهي بتقدم أفلام مستقلة، طويلة، قصيرة، تسجيلية وتجريبية، وكمان بتنظم فعاليات زي بانوراما الفيلم الأوروبي ومهرجان زاوية للأفلام القصيرة.

سنة 2015 زاوية فتحت فرع للتوزيع السينمائي علشان توصل الأفلام البديلة لجمهورها الحقيقي، وفي 2018 انتقلت لمقرها الحالي في سينما كريم بوسط البلد، بشاشتين وسعة أكتر من 380 كرسي.

زاوية النهارده بقت واحدة من أهم منصات عرض السينما المستقلة في مصر والعالم العربي، وعضو في شبكة ناس للشاشات العربية البديلة.