‎مسرحية” المورستان” عن رواية “One Flew Over the Cuckoo’s Nest”

المورستان مقتبسة من رواية One Flew Over the Cuckoo’s Nest العالمية، واللي اتحولت لفيلم شهير واتقدمت في أكتر من عرض مسرحي حول العالم. 

النسخة المصرية الجديدة بتدور أحداثها جوه مصحة نفسية في مصر سنة 2010، وبتستكشف الخط الفاصل بين الجنون والعقل، ومين المريض ومين العاقل.

المسرحية بطولة يسرا اللوزي، محمد خالد، يوسف عثمان، أحمد خالد، محمد حبيب، عبادة ياسر، عمر راشد، ريم مغربي، يحيى فودة، بولا كامل، أحمد هاني، كريم حسام، أمير عزت، عبد الرحمن القاضي، عمر الشناوي، جوزيف جميل، أحلام علاء الدين، مريم حفني، ومستر أورانج، ومش مناسبة للأطفال.

العمل من تأليف أحمد الشماع، وإخراج مصطفى خليل، بمساعدي إخراج ياسمين الشاعر ومنار عبد الرحمن، وإنتاج شركة كينوما المسرحية.

كمان شركة كينوما المنتجة للمسرحية، أعلنت إن الأدوار النسائية في العرض هتتغير، يعني كل ممثلة هيكون ليها ممثلة بديلة، فتقدر تشوف العرض مرتين، كل مرة بممثلات مختلفات، كنوع من الاحتفاء بالمواهب النسائية.

التذاكر متوفرة على TicketsMarche، وسعر التذكرة 450 جنيه.