مكتبة الإسكندرية أطلقت مشروع أرشيف رقمي لرائد علم المصريات سليم حسن

والإعلان عن المشروع كان في خلال أول ندوات سلسلة "نعتز بتراثنا" اللي بتنظمها المكتبة بالتزامن مع فعاليات الدورة العشرين من معرضها الدولي للكتاب، وده كان بحضور السفير عمر أحمد سليم حسن، والدكتور إسماعيل أحمد سليم حسن، وأميرة صدقي، مدير المشروعات بمركز توثيق التراث الحضاري والطبيعي، وقدم الندوة الدكتور أيمن سليمان، مدير المركز.

ويعتبر أرشيف سليم بك حسن تجربة إنسانية فريدة، تم العمل عليها لمدة 10 سنين تقريبًا، كمان وجه الشكر لأسرة سليم حسن على تعاونها في توفير الوثائق والصور والمخطوطات.

وكان من أبرز إنجازات سليم بك حسن موسوعة "مصر القديمة" من 18 جزء، واللي بتعتبر مرجع أساسي في علم المصريات، بجانب دوره الريادي في حماية الآثار، خاصة آثار النوبة، وأعد تقرير مهم سنة 1954 لمنظمة اليونيسكو، واللي كان نواة حملة إنقاذ آثار النوبة العالمية.

والأرشيف بيضم أكتر من 3140 وثيقة، بتضم مخطوطات بخط ايد سليم بك حسن باللغة العربية والإنجليزية والفرنسية، وصور فوتوغرافية وخرائط، وشمل المشروع تدريب عدد كبير من طلاب كليات الآثار والتاريخ على مدى أربع سنين للمشاركة في تصنيف الوثائق.

كمان بيضم الأرشيف حفائر هضبة الجيزة من 1929 ل 1939، وشملت أكتر من 100 مصطبة، منها مصطبة الطبيبة "باسيششت" من الدولة القديمة، والمجموعات الجنائزية للملكة "خنتاكوس"، بالإضافة لحفائر سقارة خلال موسم 1937- 1938، ومخطوطة نادرة بتتنشر لأول مرة بتتناول الطريق الصاعد لهرم "ونيس".

ممكن تشوف الأرشيف من هنا