مهرجان الجونة السينمائي يحتفي بالذكرى العاشرة لرحيل المخرج محمد خان

مهرجان الجونة السينمائي أعلن أنه هيحتفل بالذكرى العاشرة على رحيل المخرج محمد خان، وده خلال دورته التاسعة، وللي هتكون في الفترة من ١٥ لـ٢٣ أكتوبر الجاي.

محمد خان المخرج اللي قدم لينا عدد كبير من الأفلام اللي عمرنا ما نسيناها، زي: الحريف، وموعد على العشاء، وشقة مصر الجديدة، وبنات وسط البلد، وكان آخر أعماله فيلم قبل زحمة الصيف.

المهرجان هيقدم جلسات نقاشية عن سينما محمد خان، والجلسة الأولى هتكون بعنوان "البطل غير المألوف: الرجال في سينما محمد خان"، واللي هتتكلم عن إزاي "خان" كان بيستخدم الرجال غير المثاليين في السينما لتحدي المألوف والمتوقع للمجتمع.

والجلسة التانية هتكون بعنوان "قصتها: أبعد من قصص النساء الثانوية في سينما محمد خان"، واللي هنتكلم عن إزاي "خان" كان بيدي مساحة للنساء بشكل أكبر من المعتاد في السينما في الوقت ده، واللي بسببه اتفتحت مساحات اكبر للتجارب في السينما المصرية.