Copied
يوسف الشريف هيقدم مسلسل في رمضان ٢٠٢٦ من تأليف عمرو سمير عاطف
العمل ده هيكون السابع بينهم بعد سلسلة أعمال بدأت من "رقم مجهول" في 2012 وآخرها كان مسلسل "النهاية" 2020
22 سبتمبر 2025
بعد غياب حوالي ٥ سنين عن التلفزيون، هيرجع يوسف الشريف في رمضان ٢٠٢٦ بمسلسل، وهيكون من تأليف عمرو سمير عاطف، اللي قدم معاه أعمال زي "رقم مجهول" سنة 2012، " الصياد" 2014، "لعبة إبليس" 2015، "كفر دلهاب" في 2017، فيلم "بني آدم" في 2018، وأخيرًا مسلسل "النهاية" في 2020.
أما المسلسل الجديد فهيكون من إخراج محمد عبد التواب (توبة) وإنتاج شركة أروما، تامر مرتضى. يوسف الشريف غاب عن الدراما من بعد مسلسل "كوفيد 25" اللي اتعرض في رمضان 2021، وشاركه فيه بطولته أحمد صلاح حسني وأيتن عامر.
أما عمرو سمير عاطف، فشارك كمؤلف في شهر رمضان اللي فات بمسلسل " الشرنقة"، من بطولة أحمد داود ومريم الخشت، واللي اتعرض على Watch It.
- الموضوع اللي فات عروض أفلام "فيلم كلينك" في سينما زاوية من ٢٤ سبتمبر لـ ٧ أكتوبر
- الموضوع اللي جاي فتح باب التقديم من جائزة آدم حنين للنحت لحد ٣٠ نوفمبر
الأكثر متابعة هذا الشهر
-
-
09 سبتمبر 2025 -
-
18 سبتمبر 2025
