عندك فكرة إن محمود البزاوي هو اللي كتب كلاشنكوف ولحظات حرجة؟

محمود البزاوي غير إنه ممثل قوي وحافظين إفيهاته وأدواره، لكن هو كمان سيناريست شاطر وقدم أعمال هتتفاجئ لما تعرف إنه هو اللي كتبها، خصوصًا الأعمال الجد اللي عكس شخصيته اللي بيظهر بيها في أغلب أدواره.

وده زي مشاركة محمود البزاوي في كتابة مسلسل "لحظات حرجة" مع مجموعة من المؤلفين، وده لأن المسلسل كان مليان تفاصيل كتير وضيوف شرق وقصص مختلفة في كل حلقة

كمان فيلم كلاشنكوف اللي من سيناريو وحوار محمود البزاوي، واللي كتب فيه المنولوجات المميزة في الفيلم اللي اتعرض سنة 2008 من إخراج رامي إمام وبطولة غادة عادل ومحمد رجب، وحقق نجاح كبير جدا وقتها ولحد النهاردة.