حفلة لفرقة الروك الألمانية "سكوربينز" يوم 15 أكتوبر في العاصمة الجديدة

فرقة الروك الألمانية "سكوربينز" جايين مصر ضمن جولتهم العالمية "Coming Home – 60 Years of Scorpions"، يوم 15 أكتوبر 2025، في العاصمة الجديدة، وده برعاية Live Nation Middle East وTicketsmarche وACUD.

الجولة دي مش هتكون زي أي جولة، لأن "سكوربينز" بيحتفلوا بـ٦٠ سنة من موسيقى الروك، من أول "Still Loving You" لحد "Rock You Like a Hurricane"، وغيرها من الأغاني اللي علمت معانا ولسه فاكرينها وبنحبها.

ودلوقتي تقدر تحجز تذكرتك من على موقع Ticketsmarche.com، وتكون جزء من الحدث.

العاصمة الجديدة دلوقتي بتصنع تاريخ جديد للترفيه في المنطقة كلها.

الجدير بالذكر إن الجولة هتكمل رحلاتها، وبعد مصر، هتروح أبو ظبي يوم 21 أكتوبر في الاتحاد أرينا بجزيرة ياس، وقريب هنعرف مواعيد إضافية تانية للحفلات.

فرقة الروك "سكوربينز" اتأسست سنة 1965 في هانوفر بألمانيا، وهي واحدة من أنجح فرق الروك في العالم، ومبيعاتها وصلت لأكتر من 100 مليون تسجيل موسيقي وده غير تكريمها بجوايز مختلفة، زي: جوائز الموسيقى العالمية، وجوائز Echo، و"نجمة" في ممشى المشاهير بهوليوود، وعلى مدار 60 سنة قدرت تحيي حفلات في أكتر من 100 دولة.

"سكوربينز" قدمت أغاني كتيرة مشهورة منها:

“Wind of Change” و“Still Loving You”، و“Rock You Like a Hurricane”، و“No One Like You”، وجولة "Coming Home" هي احتفال بتاريخها الكبير، واللي العاصمة الجديدة مكان مثاليً عشان تستضيفه.