شراكة رسمية بين مدينة الجونة ونادي أستون فيلا لموسم 2025/2026

بس السؤال الأهم: الجونة ممكن توصل لفين؟

الحقيقة ماحدش عارف لأن الجونة ملهاش حدود، بس أنا ممكن أحكيلك عن خطوة من خطوات الجونة الجديد، والخطوة المرة دي في إنجلترا.

الجونة أعلنت عن شراكة رسمية جديدة مع نادي أستون فيلا لموسم 2025/2026، عشان اسم المدينة يكمل حضوره على خريطة الرياضة العالمية ويوصل لجمهور عالمي أكبر.

الجونة صاحبة اسم كبير في كل المجالات، ودلوقتي لو جينا نتكلم في مجال الرياضة، فلازم تعرف إن الجونة بتستضيف أكبر البطولات الدولية والعالمية وبتستقبل أبطال العالم في كل الرياضات، وبالإضافة لده فالجونة كمان بتقدم بطولات دولية باسمها، زي بطولة الجونة الدولية للإسكواش. ودلوقتي وبالشراكة مع أستون فيلا اسم الجونة بيكمل نجاحه عالميًا.

اسم الجونة هيلف العالم؟

الشراكة دي معناها إن العلامة التجارية للجونة هتظهر على ملابس التدريب الخاصة بالفريق الأول للرجال والجهاز الفني، يعني اسم الجونة هيبقى موجود على قميص لاعيبة بيتابعهم ملايين حوالين العالم، زي روجرز ومارتينيز وواتكينز وغيرهم.

ومش بس كده، الشراكة هتشمل محتوى وفيديوهات وتجارب تفاعلية طول الموسم، عشان جمهور الكورة يقرب أكتر من سحر الجونة، ويشوفها كنمط حياة متكامل شغال على مدار السنة. 

وعشان مفيش مكان للصدفة فالجونة مبنية إنها تكون على مسافة 30 دقيقة من مطار الغردقة الدولي، اللي بيربطه رحلات مباشرة لأوروبا مش بتعدي الخمس ساعات.

ليه خطوات الجونة مش شبه أى حد؟

نادي أستون فيلا شايف إن الجونة شريك بيشاركه نفس العقلية من تطوير مستمر، وتفكير بعيد المدى، ورغبة حقيقية في التوسع عالميًا. ده لأنها كمدينة سبّاقة في خلق منصات للفن، والثقافة، والترفيه، وريادة الأعمال، وفنون الطهي، والرياضة، وتشكيل مشهد أسلوب الحياة في مصر.

الجونة مهتمة بـ يعني إيه جودة حياة، رياضة، واستدامة، بتستخدم الرياضة كلغة عالمية، توصل بيها نفسها للعالم، عشان تثبت إنها مركز حياة متكامل طول السنة بشهادة الشرق الأوسط كله.

فـ على مدار أكتر من 35 سنة، والمدينة الساحلية الراقية بتكبر كمجتمع دولي عايش طول السنة، فيه أكتر من 50 جنسية، من ضمنهم نسبة كبيرة من البريطانيين. 

في الآخر، الشراكة دي مش عن الكورة بس، لكنها عن صورة مصر، وعن ربط الشعوب والثقافات، أو نقدر نقول عن مدينة بتقود وتلهم مجتمعها العالمي.