"جولدن فيو للتطوير العمراني" اتعاونت مع مجموعة "هيلتون"

إيه اللي بتدوّر عليه لما تيجي تختار أي فندق؟

إنك تحس فيه براحة كأنك قاعد في بيتك بالظبط، ولا يكون فيه مطاعم بتقدم أكل مالهوش حل، ولا إنه يبقى فيه حمامات سباحة، ومركز لياقة بدنية متجهزين بشكل كامل؟ الحقيقة إن الاختيارات كتير، بس كلها هتتجمع في فندق "هيلتون جاردن إن" اللي شركة "جولدن فيو للتطوير العمراني" اتعاونت مع مجموعة "هيلتون" علشان يفتتحوه في منطقة التجمع الخامس بالقاهرة الجديدة، كجزء من مشروع متعدد الاستخدامات، بيجمع ما بين الوحدات السكنية والتجارية والمرافق الفندقية المتكاملة.

التعاون ده هيكون محطة فارقة في مسيرة "هيلتون" لتعزيز حضورها في قطاع الضيافة بمصر، والاستفادة من سمعتها العالمية وخبراتها الواسعة في إدارة الفنادق حوالين العالم. وفندق "هيلتون جاردن إن" بالقاهرة الجديدة، هيكون جزء من مشروع متعدد الاستخدامات، وهيكون قريب من مناطق سكنية وتجارية ومراكز تسوق مهمة، زي: كايرو فيستفال سيتي، وداون تاون القطامية، والتجمع الخامس.

وفندق "هيلتون جاردن إن" بيتكون من 170 غرفة وجناح، بالإضافة لـ 5 قاعة اجتماعات، ومركز لياقة بدنية مجهز بالكامل، ومسبح خارجي، وحمام سباحة للأطفال. ده غير إن الفندق هيقدم تجارب أكل متنوعة من خلال 3 وجهات مميزة، بتشمل مطعم بيقدم خدماته على مدار اليوم، وركن مشروبات، وبار على الروف.