فتح باب التقديم للعروض المصرية بمهرجان حكاوي لفنون الطفل حتى ٢٥ أكتوبر

مهرجان حكاوي الدولي لفنون الطفل فتح باب التقديم للعروض المصرية بدورته الـ16، واللي هتكون من 21 يناير لـ 2 فبراير 2027.

"حكاوي" هو أول مهرجان مخصص للأطفال واليافعين، وتُديره مؤسسة أفكا للفنون، وبيقدم عدد من الورش والفعاليات، والعروض المسرحية المناسبة للأطفال من 4 سنين لـ 12 سنة.

وعشان تشترك في المهرجان لازم العرض اللي هتقدمه يكون مناسب للأطفال ومدته مش بتعدي الـ50 دقيقة، وعدد أفراد الفريق مش أكتر من تلاتة، وشروط تانية تقدر تعرفها من صفحة المهرجان @hakawyfestival_ ، وآخر ميعاد للتقديم 25 أكتوبر الجاي.