مصر للطيران" افتتحت أول غرفة مخصصة لدعم ذوي الإعاقات غير الظاهرة

وبتستهدف مبادرة مصر للطيران تحسين تجربة السفر للأشخاص من ذوي اضطراب طيف التوحد، وصعوبات التعلم، والحالات النفسية المختلفة، بالإضافة لـ اللي بيعانوا من حساسية مفرطة تجاه الصوت أو الضوء. 

والغرفة بتوفر بيئة هادئة وآمنة مصممة مخصوص للحد من التحفيز الحسي الزائد (Overstimulation)، وده بيساعد في تقليل مستويات التوتر والقلق قبل السفر، ويحسن من تجربة الركاب بشكل عام. 

الغرفة موجودة في صالة السفر في مبنى الركاب رقم (3) بمطار القاهرة، وتحديدًا أمام مدخل (4)، وهيكون فى استقبال الركاب فريق من الإدارة العامة للعلاقات العامة عشان ياخدوهم من مدخل المطار للغرفة المخصصة.

 علشان تستفيد من الخدمة لازم تبعت بيانات الرحلة، متضمنة التذكرة، ورقم التليفون وميعاد الوصول للمطار من خلال البريد الإلكتروني:  sensorysupport@egyptair.com قبل ميعاد الرحلة بـ 48 ساعة على الأقل.