شركة مياه الشرب والصرف الصحى هتحفر 30 بئر جوفي عشان تحل أزمة المياه في الصيف

المهندس حنفي محمد حنفي رئيس مجلس إدارة شركة مياه الشرب والصرف الصحى بالجيزة قال إن الشركة لجأت لحفر 30 بئر مياه جوفية في المناطق القريبة من نهر النيل في محافظة الجيزة، وده عشان يواجهوا أزمة نفص المياه المتوقع انها تحصل في الصيف الجاي.

رئيس مجلس إدارة الشركة قال كمان لليوم السابع إن الآبار دي هتعمل حوالي 40 لتر مياه في اليوم، وهيتم ضخها مباشرة في الشبكات اللي بتعاني من قلة المياه، وده بسبب تأخر افتتاح محطات المياه الجديدة اللي بيتم إنشاءها في المحافظة، خصوصًا إنها بتعاني من نقص المياه وانقطاعها فترات طويلة في الصيف.