مهرجان كايروكوميكس للقصص المصورة من 13 لـ 15 نوفمبر بمركز محمود مختار

الدورة الـ 11 من مهرجان كايروكوميكس للقصص المصورة، راجعة تاني في الفترة من 13 لـ15 نوفمبر الجاي، في مركز محمود مختار الثقافي بالجيزة، والدخول مجاني.

المهرجان بيكون فيه فعاليات فنية كتير، منها معارض لدور النشر، وورش ولقاءات يومية، وسوق الكوميكس، وساحة المستقلين عشان يعرضوا أعمالهم وفنهم، وملتقى لصناع ومحبي القصص المصورة.