أبليكيشن دليلة من "Motherbeing" بينظم أول قمة لصحة المرأة

يوم 31 مايو، هيحصل حدث هو الأول من نوعه في مصر، الحدث ده هو "قمة دليلة لصحة المرأة" اللي هيكون في مجرة بالشيخ زايد. القمة هتجمع أكتر من 3000 ست في يوم مفتوح وبدون أي أحكام، وكله هيبقى عن صحة الستات، وفهم أجسامهم، والتمكين.

الحدث هيكون مليان بالفعاليات، زي إن هيبقى فيه مناقشات مع خبراء، وورش، وتمارين حركة، وكل ده معمول علشان نكسر التابوهات، ونفتح حوارات حقيقية، كتير مننا كانوا خايفين يتكلموا فيها. منظم الحدث هو أبليكيشن "دليلة" أول تطبيق صحي للستات العرب، بيستخدم الذكاء الاصطناعي، وبيقدم معلومات طبية موثوقة من دكاترة وخبراء.

"قمة دليلة" ليها أهداف كتير زي: توعية بأهم قضايا صحة المرأة في الوطن العربي، تسهيل الوصول لمعلومات صحية موثوقة ومناسبة ثقافيًا، تقوية وجود Daleela كأهم منصة لصحة الستات، فتح حوار بين الدكاترة، الشخصيات العامة، وكل ست محتاجة تتسمع، إطلاق شراكات استراتيجية مع علامات تجارية ومؤسسات موثوقة.

"قمة دليلة" هتضم مجموعة قوية من المتخصصين في الصحة النفسية والجسدية للستات، منهم: د. حسام الشنوفي – نسا وتوليد، د. مونيك مجدي – دكتورة خصوبة ومتخصصة في الطب الجنسي، د. كريم سيد – نسا وتوليد، د. رنا نعمان – تغذية شمولية وصحة نفسية، د. ريهام عواد – جراحة تجميل وترميم بعد الختان، د. سالي توما – طبيبة نفسية، د. نبيل القُط – طبيب نفسي، خديجة بن سعيد – دولا (مرافقة ولادة)، نادين شلش – خبيرة رضاعة طبيعية، ياسمين ممدوح – أخصائية تغذية بالأكل الحدسي، ياسمين طارق – مدربة حركة ولياقة، د. حسن حسني – طبيب أعصاب.

ومحاور القمة هتشمل موضوعات زي:

- تكيس المبايض، حب الشباب، والخبطة الهرمونية

- الألم أثناء العلاقة، الخوف من أول مرة، والثقة الجنسية

- صورة الجسم والتنمر على الوزن

- صدمات الولادة، رعاية بعد الولادة، والأمومة

- العناية بالبشرة ومزامنة الروتين مع الدورة الشهرية

- العلاقة الحميمة، العيب الثقافي، وختان الإناث

الحدث من تنظيم أبليكيشن "دليلة" من "Motherbeing" اللي أسسته نور إمام، الأبليكيشن الأول لدعم صحة المرأة في الوطن العربي.