عرض الفيلم المصري “زيزو” في مهرجان كليرمون فيران الدولي للأفلام القصير

الفيلم القصير زيزو للمخرج خالد معيط، هيشارك ضمن المسابقة الرسمية في مهرجان كليرمون فيران الدولي للأفلام القصيرة، في دورته الـ 48 في فرنسا، واللي هتبدأ فعالياته من يوم 31 يناير 2026، وهتستمر ليوم 8 فبراير.

فيلم زيزو اتعرض مؤخرا ضمن مسابقة الأفلام القصيرة، في مهرجان الدوحة السينمائي في مسابقة الأفلام القصيرة، وحصل فيه على تنويه خاص عن الأداء التمثيلي لبطل الفيلم عمار أحمد. 

فيلم زيزو بيحكي عن ولد عنده 13 سنة بيعاني من السمنة، وبيحاول يبني صداقات مع شلة الولاد المشهورين في منطقته، ولكن محاولاته بتبوء بالفشل وبيسخروا منه بشكل غير متوقع.

خالد معيط مخرج ومونتير مصري، ومن أعماله في المونتاج فيلم سعاد، اللي كان من ضمن الاختيارات الرسمية لمهرجان كان الدورة الـ73، وحصل على جايزة أفضل مونتاج في مهرجان واغادوغو للسينما والتلفزيون الأفريقي الدورة الـ27.