وزارة الصحة كرمت ريهام حجاج عن دورها في مسلسل "توابع"

تكريم ريهام حجاج تزامنًا مع انطلاق حملة "نادر وقادر" للتوعية بالأمراض الوراثية والنادرة، وتم خلال المؤتمر المنعقد بمناسبة اليوم العالمي للأمراض النادرة.

وفي كلمتها، وضحت ريهام حجاج إن الفن بيحمل رسالة حقيقية بتتجاوز فكرة المشاهدات والتريند، وإن الاتجاه الأهم في الفن هو نقل صوت الناس اللي مش قادرين يوصلوا معاناتهم.

مسلسل "توابع" بيناقش المرض النادر "ضمور العضلات الشوكي" أو "SMN1"، وده المرض اللي بيعاني منه ابن ريهام حجاج ضمن أحداث "توابع"، وخلال الأحداث بيمر المُشاهد معاها بتجربتها القاسية وبنشوف إزاي أسرة الطفل بيقدروا يتعاملوا مع المرض ده وتوابعه.

مرض "ضمور العضلات الشوكي" هو مرض وراثي عصبي نادر، بيحصل نتيجة طفرة جينية بتؤدي لـ تلف الخلايا العصبية الحركية في الحبل الشوكي، وبيسبب ضعف وضمور تدريجي في العضلات الإرادية (الأطراف، التنفس، البلع)، وهو تاني أكتر الأمراض الوراثية شيوعًا عند الأطفال، وتكلفة علاجة بتكون غالية جدا.