المصري شريف الشعشاعي هيشارك في الفيلم العالمي "Murder at the Embassy"

بيجسد شريف في الفيلم شخصية "ماركوس"، شاب ألماني ليه دور مهم في تطور الأحداث، ضمن حبكة بتجمع بين الغموض والجريمة والإثارة.

أحداث الفيلم بتدور في القاهرة خلال فترة الاحتلال البريطاني، وبتتبع قصة المحققة الخاصة ميرندا جرين، اللي بتحاول تحل جريمة قتل غامضة داخل السفارة البريطانية، قبل ما تكتشف جريمة تانية ممكن تسبب أزمة دولية كبيرة.

الفيلم من إخراج ستيفن شيمك، وبيشارك في بطولته مجموعة من النجوم العالميين، منهم ميشا بارتون، وكوجو أتا، ونيل بارلو، ورها رحبري، وأنطونيا برناث، وريتشارد ديلان.

العمل بيُعتبر الجزء التاني من فيلم "Invitation to a Murder"، وده هيكون من أوائل المشاركات الدولية لـ شريف الشعشاعي في السينما العالمية.

جدير بالذكر إن آخر أعمال شريف الشعشاعي مسلسل "وتر حساس"، واللي قدم فيه شخصية د. عبد الرحمن الشهير بـ"بيبو"

مسلسل "وتر حساس 2" بيتكوّن من 45 حلقة، وبيشارك في بطولته غادة عادل، هيدي كرم، كمال أبو رية، رانيا منصور، نبيل عيسى، إلهام وجدي، ومحمد محمود عبد العزيز، ومن تأليف أمين جمال، وإخراج وائل فرج.