المنتج طارق الجنايني: هنقدم "الحريفة 3" خلال سنتين بنفس الأبطال

المنتج طارق الجنايني أعلن إنه هيقدم فيلم "الحريفة 3" خلال سنتين من دلوقتي، واللي هيكون بنفس أبطاله، وده بعد النجاح اللي حققه الجزئين الأول والتاني.

وقال طارق الجنايني في حواره مع مجلة "الفصلة" إنه هينتج الجزء التالت من فيلم "الحريفة"، وقال إنه هيتعرض سنة 2027 أو 2028.

وكمّل طارق الجنايني ووضح إن نفس أبطال الجزئين الأول والتاني هما اللي هيشاركوا في الجزء الجديد، وقال إن المؤلف إياد صالح وصل لفكرة محددة هيبدأوا شغل عليها قريب.

فيلم الحريفة اتعرض منه جزئين سنة 2024، وشارك في بطولته نور النبوي، أحمد غزي، نور إيهاب، خالد الذهبي، كزبرة، فراس سعيد، يوسف عمر، عبد الرحمن محمد، والفيلم من تأليف إياد صالح، وإخراج رؤوف السيد.