فيلم "كان ياما كان في غزة" هيتعرض في سينمات أركان ونايل سينما من يوم 4
بعد عرضه في مهرجان كان والقاهرة
فيلم "كان ياما كان في غزة" هيتعرض في سينمات أركان ونايل سينما في القاهرة، بدايةً من يوم 4 فبراير، وده ضمن مبادرة "سينماد" لعرض الأفلام العربية اللي حصلت على جوائز في مهرجانات. الفيلم اتعرض لأول مرة في مهرجان كان السينمائي الدولي، وبعدين اتعرض في مهرجان القاهرة السينمائي في دورته الأخيرة في 2025، وفاز بـ3 جوايز وهما "أفضل فيلم عربي طويل" وتُقدر قيمتها بـ10,000 دولار وجائزة "أفضل ممثل" لبطل الفيلم مجد عيد، وجائزة "الهرم الفضي" لأفضل مخرج لمخرج الفيلم طرزان ناصر. "كان ياما كان في غزة" أحداثه بتدور في غزة في سنة 2007 عن طالب شاب اسمه يحيى، يبيكوّن صداقة مع أسامة، صاحب مطعم، وبيبدأوا في بيع المخدرات أثناء توصيل الأكل، وبيدخلوا بسبب ده في مشاكل كتير. وبيشارك في بطولة الفيلم نادر عبد الحي، ورمزي مقدسي، ومجد عيد، وموسيقى الفيلم لـ أمين بوحافة، والفيلم من تأليف الإخوان طرزان وعرب ناصر، بالتعاون مع عامر ناصر وماري ليجراند، وإخراج الإخوان، والفيلم إنتاج دولي مشترك بين فرنسا وألمانيا والبرتغال وفلسطين، مع قطر والمملكة الأردنية الهاشمية.
- الموضوع اللي فات فتح باب التقديم لمهرجان منصات للأفلام وآخر ميعاد يوم 18 فبراير
- الموضوع اللي جاي المهن التمثيلية: وقف مسلسل "روح OFF" لـ منذر رياحنة
الأكثر متابعة هذا الشهر
-
15 يناير 2026 -
07 يناير 2026 -
-
