شركة جوجل بالتعاون مع وزارة الاتصالات وتكنولوجيا المعلومات المصرية أتاحت اشتراك مجاني لمدة سنة في Google Gemini ضمن خطة Google AI Plus لطلاب الجامعات في مصر، واللي سنهم أكبر من 18 سنة، واللي قيمته 3 آلاف جنيه.

والعرض متاح للطلاب اللي هيسجلوا قبل 31 ديسمبر 2026، وبيتيح لهم استخدام أدوات الذكاء الاصطناعي في المذاكرة والبحث والاستعداد للامتحانات، بالإضافة لتوليد الصور ومقاطع الفيديو القصيرة اللي بتوصل مدتها 10 ثواني.

ومن بين المزايا المتاحة استخدام Google Gemini للإجابة عن الأسئلة المعقدة وتلخيص الكتب والمذكرات الدراسية، إلى جانب أداة Gemini Notebook، المعروفة سابقًا باسم NotebookLM، اللي بتساعد في إعداد الأبحاث وتنظيم المصادر وتلخيص المحتوى الدراسي وإنتاج ملخصات صوتية وتفاعلية، والتعامل مع كتب يصل حجمها لـ 200 صفحة. والخطة بتوفر كمان مساحة تخزين سحابية 400 جيجابايت.

وبجانب الاشتراك المجاني، جوجل بتقدم للطلاب خصم يصل لـ75% على خطة Google AI Pro، وخصم 70% على باقة بتجمع بين Google AI Pro وYouTube Premium، اللي بتتيح مشاهدة فيديوهات يوتيوب من غير إعلانات، وفقًا لشروط العرض.

والتعاون بييجي ضمن مبادرة «مليون طالب مصري يبدع مع Gemini»، اللي أطلقتها جوجل بالتعاون مع الوزارة، بهدف مساعدة طلاب الجامعات على استخدام الذكاء الاصطناعي بوعي ومسؤولية، من خلال إتاحة الأدوات الرقمية وتنظيم برامج تدريبية على مدار العام.

وتقدر تعرف أكتر عن الشروط، وتسجل من هنا: http://goo.gle/studentoffer26-eg

الموضوع اللي فات إيه حكاية لوحة "الأخوين" اللي مسافرة إيطاليا لأول مرة؟
الموضوع اللي جاي هشام الغزالي أول مصري وعربي يحصل على جائزة "سفير الأورام العالمي"

جامعة إسلسكا بتجدد شراكتها مع مهرجان الجونة السينمائي للعام الثالث

هشام الغزالي أول مصري وعربي يحصل على جائزة "سفير الأورام العالمي"