اشتراك مجاني سنة كاملة في Google Gemini النسخة المدفوعة لطلاب الجامعات

وزارة التعليم العالي والبحث العلمي في مصر تعاونت مع جوجل عشان يقدموا اشتراك مجاني لمدة سنة كاملة، لكل طلبة الجامعات المصرية، في النسخة المدفوعة من أداة الذكاء الاصطناعي Google Gemini، بداية من النهاردة 7 سبتمبر، ويقدر كل طالب جامعي فوق سن 18 سنة إنه يشترك في الخدمة مجانًا خلال الشهرين الجايين. تستفيد من العرض عن طريق اللينك ده:
https://gemini.google/students

تطبيق Gemini بيقدم مميزات للطلبة تساعدهم في المذاكرة وتلخيص المعلومات والبحث وفهم الأسئلة المعقدة، بالإضافة لأنهم ممكن يسمعوا بودكاست بيلخص المذاكرة والمحاضرات وكل ده بشكل مجاني.

وحسب مؤشرات جوجل، فنسبة البحث عن مواضيع الذكاء الاصطناعي والدراسة في مصر، زادت بنسبة 400% خلال الشهرين اللي فاتوا، مقارنةً بنفس الفترة السنة اللي فاتت، وده مؤشر لزيادة اهتمام الطلاب والمعلمين بمعرفة طرق الاستفادة من التقنيات الحالية للدراسة والتحضير للاختبارات.