النسخة العاشرة من معرض "كايرو كومكيس"

السنة دي المعرض هيحتفل بـ مئوية القصة المصوّرة المصرية، وهيتتبع رحلة الكوميكس في مصر على مدار قرن كامل، وكمان هيكون فيه ورشة مع فنانين من مصر ولبنان وسويسرا، ولقاءات فنية مع مجموعة من أبرز رسامي الكوميكس في مصر.

وفي سوق الكوميكس، اللي هو جزء من الدورة، هتلاقوا أكبر تجمع لناشري القصص المصوّرة وساحة للفنانين المستقلين، اللي هيعرضوا أعمالهم من كتب ورسومات ومطبوعات فنية.

المعرض من تنظيم مؤسسة الفن التاسع، وبدعم من بروهلفتسيا والمعهد الفرنسي بالقاهرة، وبالشراكة مع مركز محمود مختار وقطاع الفنون التشكيلية بوزارة الثقافة.

من أول ما بدأ سنة 2015، ومعرض كايرو كوميكس بقى منصة أساسية لفن الكوميكس في مصر والعالم العربي، وبيجمع بين الفنانين، ودور النشر، والجمهور في تظاهرة فنية وثقافية فريدة.

وبيضم كمان ورش، وعروض، وندوات، وجوايز زي أفضل رواية مصوّرة بالعربية، وأفضل كوميكس رقمي، وأفضل مجلة كوميكس، وأفضل شريط مصوّر.

وعشان تعرفوا تفاصيل أكتر عن المعرض وجدول الفعاليات تابعوا CairoComix على إنستجرام

الصوره من CairoComix Festival