حفلة لهبة طوجي في افتتاح مهرجان "هي الفنون" يوم 2 أكتوبر

وهيشاركها الحفل الموسيقار أسامة الرحباني والمايسترو جورج قلتة، والتذاكر دلوقتي متاحة على "TicketsMarche" بـ 3 فئات سعرية هما (1000، 1500، 2500 جنيه) وتقدر تحجزها من هنا.

مهرجان "هي الفنون" هيكون من 2 لـ 5 أكتوبر، في 3 أماكن رئيسية وهما الجامعة الأمريكية والإسكندرية والعاصمة الإدارية الجديدة، وهيضم فعاليات مختلفة كتير تقدروا تعرفوها كلها من صفحتهم sheartsfestival

"هي الفنون" أول مهرجان دولي في المنطقة العربية مخصص لدعم وتمكين المرأة في الفنون، عن طريق تقديمه لمجموعة من الفعاليات المختلفة من حفلات موسيقية، وعروض رقص، وعروض أفلام، وعروض مسرحية، وورش عمل وماستر كلاسيز، وده غير البازار اللي هيعرض الأعمال من الحرف اليدوية.

والدورة السنة دي هيشارك فيها فنانات من مصر، والبرازيل، وإيطاليا، والمجر، وألمانيا، وفرنسا، وفلسطين، والسودان، وإسبانيا، ولبنان، بحضور متوقع يتجاوز 15,000 شخص من مختلف الفئات.