شاب من الأقصر أنقذ سائحة رجلها اتكسرت وتاني يوم قدملها جولة نيلية

السائحة قالت إن الحكاية حصلت يوم 5 فبراير 2026، لما كانت هي وجوزها موجودين في البر الشرقي بالأقصر، ووهي بتطلع المركب عشان يرجعوا لفندقهم في البر الغربي، اتعرضت لكسر في رجلها اليمين، ومكانوش عارفين يتصرفوا إزاي، وقتها أشرف اتطوع أنه ياخدها للدكتور، وكمان وفرلها عربية خاصة تنقلها للفندق بشكل آمن ومريح.

المفاجأة – على حسب كلامها – كانت في اليوم اللي بعده، لما صحيت لقت أشرف واقف مستنيهم قدام الفندق، عشان ياخدها هي وجوزها في رحلة نيلية وقت الغروب، وقال لها: "إنتي جيتي هنا علشان تستمتعي بوقتك". وكمان رتب لهم عشا على المركب، قبل ما يرجعهم الفندق.

السائحة قالت إنهم ما يعرفوش التكلفة الحقيقية لكل اللي عمله أشرف، لكنهم متأكدين إنه دفع من جيبه مصاريف الدكتور والعربية والمركب، والسائحة قالت إن بسبب اللي عمله أشرف هترجع تزور الأقصر تاني في شهر مارس الجاي.