عرض مسرحية "لملمتُ ذكرياتي برموشي" في ساحة روابط يوم ٢٨ و٢٩ مارس

"لملمتُ ذكرياتي برموشي" هو عرض مسرحي بيحكي قصة ممثلة بتفقد ذكريات طفولتها بالتدريج، وده بيخلي والدتها تاخدها في رحلة علشان تسترجعها. وخلال الرحلة دي، بتتكشف حقايق جديدة عن نفسها، وعن عيلتها، وعن وطنها.

المسرحية هي من تأليف وإخراج ناندا محمد، وكمان من بطولتها مع والدتها بشرى حاجو، أما التأليف الموسيقي فهو لـ محمد سامي، والعرض إنتاج أورينت برودكشنز، وتقدر تحجز تذكرتك من خلال موقع TicketsMarche.

"لملمتُ ذكرياتي برموشي" أو Gathering Memories with my Eyelashes هي أول عمل مسرحي من تأليف الممثلة ناندا محمد، واللي بتستكشف فيه فكرة الذاكرة كموضوع وكتجربة عايشاها، وبتتنقل بين ماضيها في سوريا وحياتها في مصر، تحت سؤال "هل ممكن نبني المستقبل من غير ما نمسح الماضي؟"

والعرض هو جزء من برنامج “Premières II x 2B Continued” وهو تعاون فرنسي مصري في مجال الفنون الأدائية المستقلة بتنظيم السفارة الفرنسية في مصر.