فتح باب التقديم في برنامج "مساحات" لدعم صناع الأفلام بمحافظات الصعيد

البرنامج التاني من مشروع "مساحات – الخوف والحُب" لدعم وتطوير صناعة الأفلام، وتوفير تدريبات وجلسات حوار وعروض في صعيد مصر، فتح باب التقديم للدورة الجديدة حتى 30 نوفمبر 2025.

البرنامج هدفه تطوير صناعة السينما في الصعيد، من خلال تدريب من 40 لـ 60 ولد وبنت من سن 18 لـ 30 سنة من محافظات سوهاج، وأسيوط، وقنا، والأقصر بشكل مجاني في مجالات السيناريو، والإخراج، والتصوير، والإنتاج، والصوت، والمونتاج، عشان يبقوا صنّاع أفلام قادرين يعبروا عن بيئتهم من خلال أفلام سينمائية قصيرة.

مدة البرنامج هتكون 18 شهر، هتبدأ في يناير 2026 وهتستمر لمايو 2027، وهيتقسم لـ 3 مراحل رئيسية، وهي: 

المرحلة الأولى: برنامج تدريبي عبارة عن ورش فنية بإقامات مدفوعة، بتنتهي بمعسكر فني بيجمع المتدربين من المحافظات الأربعة لتبادل الخبرات، ودي هتستمر من يناير لـ يوليو 2026.

المرحلة الثانية: وهي خاصة بالإنتاج وفيها هيتم إعداد وتصوير أفلام قصيرة بمساعدة استشاريين فنيين محترفين، وهتنتهي بإنتاج من 6 لـ 8 أفلام قصيرة في الفترة من أغسطس لـ ديسمبر 2026.

المرحلة الثالثة: عبارة عن ورش متقدمة والملتقى السينمائي التاني في سوهاج، اللي هيجمع المشاركين المتميزين ويديلهم فرصة يتفاعلوا مع صُنّاع أفلام محترفين من خلال عروض أفلام، وماستر كلاس، ونقاشات فنية، وكمان عرض أفلامهم وتكريم أصحاب المراكز الأولى.

"مساحات – الخوف والحُب" هو برنامج تحت رعاية مكتب نغمشة للإنتاج الفني بالتعاون مع مؤسسة آفاق وبيتم تمويله من الوكالة السويسرية للتنمية. 

مدة البرنامج هتكون 18 شهر، هتبدأ في يناير 2026 وهتستمر لمايو 2027، وتقدر تقدم من استمارة التقديم من هنا.